HATAW! D'yaryo ng Bayan hatawtabloid.com
MAGKAIBIGAN na raw sina Claudine Barretto at asawang si Raymart Santiago, ito ang sinabi ng aktres sa panayam niya kina Boy Abunda at Kris Aquino sa Aquino and Abunda Tonight noong Lunes ng gabi.
Base sa kuwento ng aktres bago siya sumalang sa one-on-one interview nina Boy at Kris, tinawagan niya muna si Raymart para sabihin ang mga itatanong sa kanya at kung ano ang isasagot niya.
“Tinawagan ko siya before ko sagutin, sinabi ko ‘yung mga question tapos tinanong niya kung para saan, sabi ko para sa ‘Aquino and Abunda’.
“Tapos tumawag siya. sabi ko, ‘teka lang, Mart, friends ba tayo?’ Tawa siya ng tawa. ‘Oo, friends na!’ ‘Kasi hindi ko alam isasagot ko, kung civil ba or friends na tayo.’ Friends na raw. So, okay, ‘Friends na kami.”
Nitong taon lang daw sila naging okay ni Raymart dahil na rin sa payo ng huwes na may hawak ng kaso nila na si Judge Geraldine Fiel-Macaraig ng Marikina Regional Trial Court Branch 192.
“Inupo niya kami, pinagharap at ipinaliwanag na hindi maganda itong ginagawa namin (nagde-demandahan), we have to stop it, ‘yun nagkausap kami (Raymart) so, okay na kami,” kuwento ni Claudine.
Nabanggit din daw ni Judge Macaraig na hindi ito maganda para sa kanilang mga anak.
Anyway, maganda ang aura ngayon ni Claudine at halatang may peace of mind na siya dahil ang ganda-ganda niya ngayon at pumayat na, talagang balik-showbiz na ang aktres dahil excited siya sa reunion movie nila ni Kris na Etiquette for Mistresses.
Naunang nagsama sina Claudine at Kris sa Sukob noong 2006 mula sa Star Cinema at umalis ang una sa ABS-CBN taong 2011.
FACT SHEET – Reggee Bonoan
