HATAW! D'yaryo ng Bayan hatawtabloid.com
PINADALHAN kami ng litrato ng Cornerstone Talent Management nina Sam Milby at Jennylyn Mercado na kasalukuyang nagsu-shooting sa New York City, US of A para sa pelikulang Pre-Nup ni Jun Lana produced ng Regal Entertainment.
Sa sikat na Times Square ang venue ng shooting nina Sam at Jen base sa mga litratong ipinadala sa amin at timing naman na may kaibigan kaming nakakita sa kanila nitong weekend.
Mensahe sa amin ng kaibigan namin doon na naka-base sa NYC at nagtatrabaho sa Macy’s, “uy, nakita ko sina Sam Milby at Jennylyn nagkukuwentuhan sa isang tabi parang may hinihintay.
“Ang ganda pala ni Jen sa personal, ang sexy-sexy. Si Sam din, Amerikano talaga siya kaya hindi mo masyadong mapapansin na artista pala siya.
“Totoo ba ‘yung balita na nagkabalikan na sila ni Dennis (Trillo), nabasa ko sa Twitter.”
Dagdag pa, “walang nakakakilala sa kanila (Sam at Jen) kasi wala namang Pinoy na nakakita sa kanila. Nadaanan ko lang kasi papunta kami ng H & M sa malapit sa Broadway. Anong movie ba ‘yung ginagawa nila?”
Totoo naman din na walang masyadong Pinoy sa nasabing lugar base na rin sa naranasan namin ng naroon kami sa NYC ng apat na araw noong Disyembre na wala kaming nakita.
Base sa mga litratong nakita namin ay bagay sina Sam at Jennylyn na sinang-ayunan naman ng kaibigan namin.
“Puwede rin, bagay naman sila, guwapo at maganda. Pero ‘di ba, sina Dennis at Jennylyn daw?” hirit sa amin.
Susme, si Dennis talaga ang natatandaan ng tao kay Jennylyn?
Samantala, kuwento rin ng kaibigan namin na sobrang mainit daw ngayon sa NYC na parang klima sa Pilipinas kaya pala dire-diretso lang ang shooting ng Pre-Nup dahil maaraw.
FACT SHEET – Reggee Bonoan
