Enchong, ‘di magtatagal sa PBB House

 

HANGGANG kailan kaya sa loob ng Pinog Big Brother House si Enchong Dee?

Kaya namin ito naitanong ay dahil kailangan niyang mag-promote ng nalalapit niyang two night concert sa Music Museum na may titulong DeeTour sa Hulyo 3 at Hulyo 10.

Pero ang sitsit naman sa amin ng taga-PBB ay sandali lang naman ang My Kung Fu Chinito actor sa Bahay ni Kuya at lumalabas din para gawin nito ang mga dapat niyang gawin.

Kuwento ng aming source, “tine-tape lang naman ang mga eksena niya tapos pinauuwi na rin siya, hindi naman siya nag-stay doon.”

Tinanong namin ang kasama namin sa bahay na avid viewer ng PBB 737 kung nasa bahay pa si Enchong dahil nga hindi kami nakakapanood ng nasabing reality show.

“Ay kagabi (Miyerkoles), wala po siya, hindi ipinakita si Enchong, mga regulasyon sa sala ang ipinakita,” kuwento sa amin ng kasama sa bahay.

Totoo pala kasi kung wala nga si Enchong, eh, malamang na ito ‘yung eksenang hindi siya kinunan.

In fairness, ang daming exposure ngayon ng binatang aktor para sa DeeTour concert niya dahil bukod sa PBB 737 ay nasa Wansapanataym Presents: My Kung Fu Chinito pa siya tuwing Linggo kasama si Richard Yap bilang si Chairman Peter Tan handog ng Dreamscape Entertainment.

FACT SHEET – Reggee Bonoan