Sarah, pinagpawisan ang kili-kili kay Piolo

 

BITIN ang sagot ni Sarah Geronimo kung natuloy ang wish niyang makahalikan si Piolo Pascual sa The Break-Up Playlist na mapapanood na sa Hulyo 1 mula sa Star Cinema.

“Abangan n’yo po, mai-in love kayo sa pelikula,”nakangiting sagot ni Sarah.

Dagdag pa, ”sineryoso ninyo naman ako masyado sa sinabi ko, baka naman isipin ni Piolo na pinagpapantasyahan ko siya ng sobra-sobra, kaunti lang naman, naks. Baka matakot na siya sa akin.

“Ako talagang sobra akong nag-concentrate bilang girlfriend at ex niya (pelikula) kasi sa totoo lang, kung iisipin mo lahat, surreal, eh. Kasi si Piolo Pascual hinahangaan ko, napapanood ko sa mga pelikula, sa teleserye, sabi ko nga noong unang eksena namin, ‘grabe si Piolo ‘yung kausap ko, si Piolo ‘yung kaharap ko.

“’Yun talaga ang goal ko, maging effective ako sa role ko, maging realistic as possible,” paliwanag ng aktres.

At ang nadiskubre ni Sarah kay Papa P, ”sobrang seryoso sa trabaho, kapag nakipagkuwentuhan sa set, napaka-natural niya.

“At hiyang-hiya po talaga ako kapag nahahawakan niya ako, sobra para akong matutunaw, pawis na pawis na ang kili-kili ko, look test palang ‘yan, hiyang-hiya na ako, pero dahil nga po inilagay natin ‘yung kailangan, wala tayong choice dahil nag-commit po tayo, ilalagay mo ‘yung puso mo, isip mo sa character mo, mapaninindigan mo na ilalagay mo ng tama ‘yung portrayal, so in-overcome ko po ‘yun, although minsan, kumakawala talaga ang surreal pa rin.

“At isang karangalan po na makatrabaho ko ang isang Piolo Pascual,” ani Sarah.

FACT SHEET – Reggee Bonoan