Juday at Piolo movie, imposible na nga ba?

 

NAG-TRENDING sa social media ang ipinost ni Piolo Pascual noong Linggo habang ipinalalabas ang ASAP 20.

“So great to see the person that gave me my biggest break in showbiz… I’ll always be indebted to your kindness? Congrats on another blessing;) Sana makawork kita uli @officialjuday” ito ang IG post ni Piolo Pascual noong Linggo habang on-going ang ASAP 20.

Isa si Judy Ann Santos-Agoncillo sa special guest ng ASAP20 para sa promo ng cookbook niyang Judy Ann’s Kitchen.

Kompleto ang big stars ng ASAP20 kasabay ng Father’s day celebration at isa nga ang mag-amang Piolo at Inigo sa nakiselebra.

Habang naghihintay ng kanilang gap sina Juday at Piolo ay nagkita sila sa backstage at nagbatian naman at siyempre dahil first time na nagkita at nag-usap ang dalawang former hottest loveteam sa showbiz ay marami ang nag-picture sa kanila.

At isa na nga si PJ sa nag-post ng mensahe na masasabing marunong siyang lumingon kung paano siya nagsimula sa kanyang showbiz career at dahil iyon kay Juday.

Ilang dekada na ring hinihintay ng kanilang loyal supporters na muling magsama sa iisang project at sana ito na ang tamang panahon para magsama sila, ‘di ba Ateng Maricris?

Eh, teka, payag ba ang manager ni Budaday na si Tito Alfie Lorenzo na alam naman ng lahat na may tampo siya kay Piolo kaya tinanong namin siya kung okay sa kanya na muling magtambal ang dalawa.

“Wish lang ni Piolo ‘yun dahil wala na siyang makaka-partner after Toni (Gonzaga-Soriano) at Sarah (Geronimo). Dahil lahat puro tatay role na sa mga bago like Liza Soberano, Kathryn Bernardo, Julia Montes.

“Back to basics ba, Juday and Claudine (Barretto)? Why not Vilma (Santos-Recto), why not Sharon (Cuneta)?” mensahe sa amin ni Tito A.

So anong palagay mo Ateng Maricris magkakasama pa ba sina Budaday at Piolo sa sinabing ito ng manager ng aktres? (Parang imposible yata—ED)

FACT SHEET – Reggee Bonoan