HATAW! D'yaryo ng Bayan hatawtabloid.com
DAPAT suportahan ang fund raising show na Moment Ko To! (Laff-Laffan na ‘To!) na gaganapin sa Area 05 sa June 25, 2015 (Thursday), 7 PM. Tampok dito sina Arnell Ignacio, Jayson Gainza, Alex Calleja, Arpie Patriarca, Beverly Salviejo, Dyosa Pockoh, at Jobert Austria.
Ito ay hatid ng very lovable na si Ogie Diaz na isa sa nagtataguyod at opisyales ng Philippine Foundation for Breast Care, Inc. or Kasuso Foundation. Si Ogie rin ang tatayong host ng naturang event na tiyak na magiging riot sa entertainment, lalo na sa katatawanan.
Ayon sa post ni Ogie sa Facebook, “Nako, pag nakanood kayo nito, nag-enjoy na kayo, na-tulungan nyo pa ang breast cancer patients ng Philippine Foundation for Breast Care, Inc. or Kasuso Foundation na nasa East Ave Medical Center. Kanya-kanyang moment on stage sina Bighead Abiad Gainza, Alex Calleja, Bebang Salviejo, Arnell Arevalo Ignacio, Arpie Patriarca, Francis Valle Suayan (Dyosa Pockoh), Jobert Austria, hosted by yours truly.
“15-minute funny moment/tsika on stage ang drama ng bawat isa. P600 lang ang entrance fee para sa 2-hour kanya-kanyang emowt. PM me if you wanna help, sponsor or buy tickets, ha? Sige na, pls. Pa-help naman. Hehehe.”
Ang Area 05 ay located sa 3rd floor Bellagio Square Building, Morato, Quezon City (dating Ratsky). For tickets, pls. text or tumawag sa 09178822773.
ALAM MO NA! – Nonie V. Nicasio
