Cong. Lani Mercado, tiyak na ang pagtakbong mayor sa Bacoor

ni Roland Lerum

“SI Bong laging sweet pa rin sa akin. Noong gabi ng February 14, binigyan niya ako ng mahigit isang dosenang red roses. Ito ang first Valentine’s Day namin dito sa kulungan. Walong buwan na si Bong dito,” bida ni Lani sa amin tungkol sa asawang si Senator Ramon “Bong” Revilla, Jr..

Ano O naman ang Valentine’s wish ni Congresswoman Lani Mercado kay Senator Bong?

“Iisa lang. Ang makalabas na sa kulungan ang asawa ko.”

Maganda pa rin si Lani sa tingin namin. Balingkinitan pa rin siya at hindi gaya ng ibang aktres na nag-asawa’t tumaba. At talaga namang napanatili niya ang kanyang ganda kahit marami siyang naging anak.

Nasa utak pa rin niya ang politika dahil tatakbo siyang Mayor ng Bacoor sa 2016.”Mas gusto kong magingMayor dahil direkta akong makatutulong sa mga tao.”

Pero minsan, nabanggit ni Sen. Bong na gusto niyang tumakbo si Lani sa Senado para ma-test kung ano ang pakiramdam ng isang senador tungkol sa kanya.

“Naku, dapat siguro, he should make up his mind. Sa nangyayari ngayon sa Senado, naguguluhan ako. Nararamdaman ko naman sa mga tao na mahal pa rin nila si Bong hanggang ngayon.

“At saka para naman akong walang sariling salita kung hindi ko itutuloy ang pagka-Mayor ko.”

Si Mayor Strike Revilla ang nanunungkulan ngayon sa Bacoor, Cavite. Magpapalit sila ng posisyon ni Lani sa 2016.