HATAW! D'yaryo ng Bayan hatawtabloid.com
ni Roldan Castro
TANGGAP nina Sophie Albert at Vin Abrenica ang paghihiwalay nila. Hindi sila magka-partner sa Wattpad Presents ng TV5. Mula noong February 16 to 20 ay makakatambal ni Sophie si Ahron Villena sa Wattpad Presents Cupid’s Fools.
Sa March 9 hanggang 13 episode naman ay tampok sina Vin at Yassi Pressman para sa Wattpad Presents My Fiance Since Birth bilang pang-huling istorya sa Season 2 ng Wattpad.
Hindi issue sa kanila na magkaiba ang ka-partner nila.
“Kami ‘yung couple na wala lang . Artista kasi kami kaya kung ano ang role na ibigay sa amin, wala na ‘yung sana si Sophie ang ka-parter ko. Pero siyempre, mas masaya kung tatanungin mo ako na magkasama kami. Iba ‘yun siyempre. Isipin mo ‘yung para magkasama kami sa buong araw ng taping, para lang kaming nagba-bonding, nagti-taping lang, why not,” reaksiyon ni Vin.
Noong Valetine’s Day ay pareho silang may trabaho sa Marikina para sa marathon ng Wattpad pero after niyon ay dumiretso sila out of town. Pangalawang taon na raw silang magkasama sa Araw ng Mga Puso. Basta, may inihanda raw siya na matagal na. Naniniwala siya sa effort, wala raw sa ibibigay na Ipad kundi kung ano ang kayang gawin ng isang lalaki para mapasaya ang isang babae.
Kumusta naman ang Kuya Aljur (Abrenica) niya?
“Hindi naman talaga totally ano…titigil na sa showbiz si Kuya Aljur.
“Kasi napamahal na rin sa kanya ang showbiz kaya I’m sure na magtutuloy-tuloy pa rin siya sa kanyang career. And I’m happy to know na ano…magbabalik na nga siya ulit after na kahit paano ay mapahinga siya,” pakli ng binata.
Tsuk!
