HATAW! D'yaryo ng Bayan hatawtabloid.com
ni Alex Brosas
KAPURI-PURI ang kasal nina Yeng Constantino at Victor Asuncion na ginanap sa Hacienda Isabelle sa Cavite noong Valentine’s Day.
Bakit kapuri-puri? Kasi naman ay simple lang ito, hindi magarbo at very solemn. Hindi ito attention-getting at hindi nanglilimos ng viewership.
Simpleng-simple lang ang kasal ng dalawa pero damang-dama mo na mahal talaga nila ang isa’t isa. Walang celebrities sa kanilang entourage kaya naman makikita mong hindi sila uhaw sa attention.
Unlike other celebrity couples na sandamakmak ang sikat na artista o kaya ay politician na nasa wedding entourage nila, ‘yung kina Yan at Yeng ay mga private individual lang.
‘Yan ang kasal na hinahangaan namin. Walang masyadong publicity hindi kagaya ng isang wedding na halos araw-araw na lang ay laman ng diyaryo, radio, at telebisyon.
