HATAW! D'yaryo ng Bayan hatawtabloid.com
HINDI raw magkasama sina Sarah Geronimo at Matteo Guidicelli sa Valentine’s day dahil pareho silang busy. Ito ang tinuran ng singer/actress kahapon sa presscon ng pinakabago niyang endorsement, ang San San Cosmetics.
“Wala pong plano (Valentine’s day) kasi pareho yata kaming may trabaho. May live (show) po for ‘The Voice.’ Wala, hindi kami magkasama sa Valentine’s. Sa 13 ay may trabaho po. As in every day po halos ang trabaho, so singit-singit lang ng oras.”
Kaya naman posibleng baka after Valentines na maganap ang kanilang date.
At nang tanungin ang aktres kung ano ang regalo ni Matteo sa kanya, sinabi ng aktres na, ”Ang Valentine gift lang na importante ay pagmamahal at pag-iintindi.”
Samantala, tuloy naman ang paggawa ng pelikula ni Sarah kasama si Piolo Pascual na posibleng umpisahan ang shooting after ng The Voice.
Umaasa naman siyang matuloy sana ang pagsasama nila sa isang pelikula ni Lee Min Ho. Subalit wala pa raw itong linaw dahil hindi pa sila nagkakausap ng Viva boss na si Vic del Rosario.
Sa kabilang banda, tugma naman sa personalidad at lifestyle ni Sarah ang araw-raw na paggamit ng San San Cosmetics na nagpapa-angat ng natural niyang kagandahan.
Mas gusto kasi ni Sarah na i-highlight ang kanyang natural features. Ang casual pero fresh look ang peg niya na isa raw sa mga paraan para magpakatotoo siya.
“Lagi akong naka-glamorous look on cam. Kaya ‘pag break ko sa work, mas gusto ko talaga ang all-natural simple look kasi ‘yun talaga ako. Para sa akin, kapag you’re true to yourself, mas nagiging confident ka at ‘yung confidence na ‘yun ang nakakapaganda sa’yo,” ani ni Sarah.
ni Maricris Valdez Nicasio
