Kung ayaw mo sa akin, ako na lang ang tirahin n’yo! — Jasmine

ni Roldan Castro

NAKAKABASA pa rin tayo sa social media ng pagba-bash kay Jasmine Smith-Curtis dahil sa pagkakasangkot niya sa Daniel Padilla audio scandal. Dumating nga sa point na ang sister niyang si Anne Curtis ang sumasagot at nag-rescue sa kanya sa social media.

“I think it’s unfortunate kasi Bagong Taon na. I hope na sana magbago ang ihip ng hangin. Siguro mas natatagalan lang sila in how to move-on pero okey lang ‘yun kasi…wala, eh, hindi ko na rin iniintindi kasi nakaka-ano lang kapag masyado mong ina-absorb ‘yung mga negative comment, negative tweets to you, sisirain mo lang ang araw mo. Parang bahala kayo. Hindi ko naman pinapalaki ‘yung isyu,” reaksIyon ni Jasmine nang makatsikahan siya sa presscon ng Wattpad Presents: A House Full of Hunks.

Offensive para sa kanya ‘yung panghuhusga ng mga basher pero may mga tao raw talaga na ayaw sa kanya kaya okey lang. Kapag dumating na sa point na pamilya na niya ang sangkot ay doon na siya papalag.

“Kung ayaw mo sa akin, ako na lang tirahin mo, ‘di ba? ‘Wag na pati pamilya pa,”deklara niya.

Hindi naman daw siya na-trauma sa Daniel Padilla scandal pero naging aware lang siya kung ano ang perception ng ibang tao sa friendship at mapanatili ‘yung trust ng audience at makita nila na inosente siya sa sitwasyon.

Pak!