Jake, binanatan ng netizens sa pagpuna sa speech ni PNoy

SA usaping Jake Ejercito ay sunud-sunod din ang bash sa kanya ng mga sumusuporta kay PNoy sa post niyang, ”I’ll give up on life if PNoy mentions his parents again.”

Lahat kasi ng speeches ni Presidente Noynoy Aquino ay parati niyang ipinagmamalaki ang magulang niyang sina Senator Benigno Aquino at dating Presidente Corazon Aquino dahil proud siya bilang anak na hindi siguro tanggap ni Jake.

Sa post na ito ni Jake ay nakatikim siya ng hindi magagandang salita mula sa netizens, bagamat may mga umaayon din naman sa kanya, pero mas nakararami ang galit sa ginawa niya.

Below the belt ang mga komento sa kanya ng netizens na nadamay pa ang tatay niya at ang pagkatao ni Jake.

Sabi pa ng netizens, bakit daw silang magkapatid (Jerika) ay kung ano-ano ang sinasabi samantalang ang ibang mga anak daw ni Mayor Erap na sina Senators Jinggoy Estrada, JV Ejercito, Jackie, at Jude ay wala naman daw ipino-post laban sa magkapatid na Aquino?

Nakuwestiyon tuloy kung nagbabayad ba sila ng tax at nabanggit pa na ang ginagastos daw ng magkapatid ay galing sa taumbayan lalo na si Jake na walang ginawa kundi mag-party ng mag-party.

Oo nga, hindi ba talaga busy si Jake?

ni Reggee Bonoan