Shooting ng Praybeyt Benjamin, napabilis dahil kay Kris

ni Roldan Castro

ANYWAY, isa pang kasama ni Vice sa pelikula ay si Bimby Aquino Yap. Hindi maitago ang pagiging stage mother ni Kris sa shooting.

“Noong Sabado, nandoon siya sa shooting. Behaved lang naman siya kahapon. Pero noong una, nangingi­alam talaga siya,” pagbubulgar ni Vice.

“Kasi, noong kauna-unahang shooting namin, mahirap ‘yung ipinagawa kay Bimby. Na kahit ako rin, naawa ako sa bagets. Kasi, pinag-Chinese siya. Lahat ng linya niya, Chinese. Eh ‘yung bata, hindi handa. So, mayroong Chinese instructor doon na ibinibigay kay Bimby ‘yung mga linya niya na Chinese. Tapos, si Kris ‘yung papalit siya ng papalit. ‘Huwag ‘yan, ‘yung mas maigsi pa.’ Tapos, babaguhin niyong instructor. Sabi niya, ‘Hindi ‘yan, ‘yung mas simple pa.Tapos, ‘pag hindi masabi ni Bimby, ‘Huwag ‘yan, Tagalog na lang.’ Ang ending, nag-Tagalog na lang si Bimby! Ha! Ha! Ha! Kaya nakakatawa talaga,” kuwento ni Vice.

Pero happy siya dahil maraming pagkaing dala si Kris sa shooting. Mabilis din daw silang mag-work dahil si Kris ay tingin ng tingin sa relo niya.

“Hindi kami makapagpetiks ni Direk Wenn, hindi kami makapagtsismisan ‘pag nandoon siya. Kaya masaya ‘pag nandoon si Kris. Lagi siyang nagbabantay ‘pag wala siyang shooting, eh,” aniya pa.

Nag-improve na ba ang acting ni Bimby sa second movie niya?

“Okey lang naman si Bimby. Saktong-sakto lang. Tamang-tama lang sa hinihiling. Hindi OA, hindi rin naman waley,” sey pa ni Vice.

Kasama sa The Amazing Praybeyt Benjamin sina Richard Yap, Alex Gonzaga, Nikki Valdez, Vandolph, Kean Cipriano, DJ Durano, Ricky Rivero atbp..