Pastor nanaga ng amok
VIGAN CITY – Hindi napigilan ng isang pastor sa Sinait, Ilocos Sur, ang galit sa lalaking naghamon sa kanya ng away kaya’t kanyang pinagta-taga.
Kinilala ang pastor na si Marlon Yuri, 38, ng Evangelist Church of Christ, ng Brgy. Kati-punan sa nasabing bayan. Ang amok ay kinilalang si Joseph Pangala, 32, ng Brgy. Namnama sa pareho ring bayan.
Ayon sa ulat, nagtu-ngo ang pastor kasama ang dalawa niyang anak sa kanilang kapilya.
Nagkataong nagwa-wala at pinagsisigawan ni Pangala ang kanyang lolo at lola sa labas ng kanilang bahay sa tabi ng kapilya.
Pinagsabihan at pinatigil ng pastor si Pangala ngunit imbes makinig hinamon ng suntukan ang alagad ng simbahan.
Hindi pinansin ng pastor ang biktima ngunit nang pauwi na ay hinabol ni Pangala at hinampas ng pala ang una.
Tumakbo ang pastor, kinuha ang itak na naka-tago sa tricycle saka pinagtataga ang biktima.
Sumuko ang pastor makaraan ang insidente habang isinugod sa Mariano Marcos State University Hospital ang amok.
