PUSH NA’YAN
ni Ambet Nabus
NAPAKASAYA ng naging selebrasyon ng kauna-unahang Hot Air Balloon event sa Albay, Bicol kaugnay ng Bicol Loco Festival 2024, last May 2-5.
Hindi lang mga local tourist ang dumagsa sa event dahil pati mga nakasalamuha naming foreigners (guests and media peeps) ay aliw na aliw sa ganda ng Albay.
At nagkaroon pa ng two night concert na naging highlight ng entertainment part. Nag-concert lang naman sina Sarah Geronimo at Bamboo noong May 2, with a surprise appearance of Apl de Ap. Si Robi Domingo ang host kaya’t nagmistulang ABS-CBN The Voice ang show, lalo’t si maestro Louie Ocampo ang naging musical director ng concert.
On the second night, ang inyong lingkod naman ang naging host, with Jericho Rosales and Ely Buendia as performers.
Grabe pero sa halos 80k (on both nights) na spectators and crowd na dumagsa sa old airport grounds ng Legazpi. Albay. Talagang super box-office itong maituturing lalo’t sa mga recorded events sa region, ‘yun na ang may pinaka-malaking audience.
Ang AKO BIKOL party list sa pamumuno ni Cong, Zaldy Co at asawa nitong si Madam Mylene Co, with their other leaders and staff ang nag-produce at namahala ng event.
Congratulations sa mga kapwa Uragon kong mga tugang at kababayan!
