Sunday , May 19 2024
Amenah Pangandaman

Utos ni Pangandaman
PENSION NG INDIGENT SENIOR CITIZENS I-RELEASE AGAD

050624 Hataw Frontpage

MASAYANG inianunsiyo ni Budget Secretary Amenah F. Pangandaman, sa unang buwan pa lamang ng kasalukuyang taon ay nai-release na ng kanyang departamento – ang Department of Budget and Management (DBM) – ang kabuuang P49.807 bilyong badyet para sa pension ng mga indigent senior citizens.

Ayon kay Pangandaman, ito ay halos doble ng badyet ng mga nakaraang taon na umabot lamang ng P25 bilyong alokasyon taon-taon.

Paliwanag ni Pangandaman, sa ilalim ng administrasyong Marcos, magiging doble na ang buwanang pension para sa mahihirap na senior citizens mula P500 ito ay magiging P1,000 kada buwan.

Binigyang diin ni Pangandaman, tinatayang higit 4,000,000 ang bilang ng indigent senior citizens na makikinabang dito.

Aniya, umaasa ang administrasyong Marcos na makatutulong kahit paano ang karagdagang pension lalo na’t karamihan sa mga kapos-palad na seniors ay walang suportang natatanggap mula sa kanilang mga kaanak.

Sinabi ni Pangandaman, malaking tulong ang cash aid sa matatanda na wala namang inaasahan at walang regular na pensiyong natatanggap para sa kanilang pang-araw-araw na gastusin.

Dagdag ni Pangandaman, ang agarang pagre-release ng pondo ay tugon ng kanilang kagawaran sa mahigpit na bilin ni Pangulong Ferdinand R. Marcos, Jr., na patuloy na kalingain ang ating mga senior citizen.

Ayon kay Pangandaman, ang pagbibigay ng social pension sa mga indigent seniors ay nagtitiyak kahit paano na maibsan ang kanilang gutom at matiyak na hindi sila nababalewala o naabuso, bagkus ay natutugunan ang kanilang mga pangangailaangan.

Sambit ni Pangandaman, ito rin ay pagtugon sa adhikaing “Bagong Pilipinas” ni Pangulong Marcos, Jr., kung saan tinitiyak ng pamahalaan na walang maliliit na mamamayang Filipino ang maiiwanan at mapapabayaan. (NIÑO ACLAN)

About Niño Aclan

Check Also

Arrest Posas Handcuff

Gunrunner nasakote sa submachine gun

DINAKIP ng mga operatiba ng  Quezon City Police District (QCPD) ang isang gunrunner makaraang makompiskahan …

Groundbreaking ng Level III regional hospital hudyat ng pag-asa para sa Lagunenses

Groundbreaking ng Level III regional hospital hudyat ng pag-asa para sa Lagunenses

PARA higit na makapagbigay ng kalidad na serbisyong medikal sa mga Lagunenses, sinimulan nang itayo …

Krystall Herbal oil FGO Fely Guy Ong

Kabag sa alimuom ng ulan tanggal sa Krystall herbal oil

Back to BasicNATURE’S HEALINGni Fely Guy Ong Dear Sis Fely Guy Ong,          Ako po …

DANIEL FERNANDO Bulacan

 Fernando determinadong tuparin ang pangako sa bawas trapiko at ligtas na komunidad

Determinado si Gobernador Daniel R. Fernando na tuparin ang kanyang pangako na bawasan ang trapiko …

4 drug trader tiklo sa Bataan buybust

4 drug trader tiklo sa Bataan buybust

NASAKOTE ng mga ahente ng Philippine Drug Enforcement Agency (PDEA) Bataan Provincial Office ang isang …