HATAW! D'yaryo ng Bayan hatawtabloid.com
SUBIC BAY, OLONGAPO CITY.– Nakopo ng Australian na si Luke Bate ang Sprint men elite title ng 2024 Subic Bay International Triathlon (SuBIT) noong Sabado. Naorasan ang 25 anyos mula sa Perth na 54 minuto at 25 segundo sa karera ng 750m swim, 20km bike at 5km run sa Subic Bay Metropolitan Authority (SBMA) Freeport Boardwalk.
Ang kababayan na si Christopher Deegan ay nagtala ng 54:32 para sa ikalawang puwesto habang pangatlo si Amu Omuro ng Japan (54:38).
Ang mga Australian na sina Rory Thornhill (54:48) at Jack Chrome (55:00) ay pang-apat at panglima, na sinundan ng Japanese na sina Satoshi Iwamoto (55:13), Hokuto Obara, (55:28) at Kenshin Mori. (55:34); Korean Kim Jusin (55:41); at Australian Samuel Mileham (55:47).
Ang Cebuano na si Andrew Kim Remolino, na medalist sa South East Asian (SEA) Games, ang pinakamagaling na finisher sa mga lokal. Ngrehistro siya ng 56:09 para sa ika-13 puwesto, habang ang ka-probinsya na si Matthew Justine Hermosa ay nagsumite ng (56:38) sapat sa ika-16 na puwesto.
Si Joshua Ramos ng Baguio Benguet Triathlon (56:53) ay ika-19, at ang Filipino-Spanish na si Fernando Jose Casares, isang two-time SEAG gold winner, ay ika-23 sa oras na 57:44.
Ang South Korean na si Jeong Hye Rim, 25 anyos ng Daejon City dating bronze medalist sa junior divsion ng 2016 ITU World Triathlon Grand Final sa Conzumel, Mexico ay nagrehistro ng 1:01:22 para angkinin ang Sprint women’s elite title sa inilargang NTT Asian Triathlon na inorganisa ng Triathlon Philippines sa pakikipagtulungan ng SBMA at may suporta ng Philippine Sports Commission (PSC).
Nakuha ni Edda Hannesdottir ng Iceland may oras na (1:01:32) ang pilak na medalya habang si Chloe Bateup ng Australia (1:01:47) naman ang nakakuha ng bronze.
Si Martina Ayu Pratiwi ng Indonesia na orasan ng (1:02:11) ay pang-apat kasunod si Manami Hayashi ng Japan (1:02:15), Filipino Raven Faith Alcoseba (1:02:20), Guam’s Manami Iijima (1:02:31), Japan’s Himeka Sato (1:02:38), at Kim Gyuri ng South Korea (1:03:19) at Kim Ji Yeon (1:03:50).
Sa junior elite category, ang top three finishers sa men’s division ay sina Dayshaun Karl Ramos (1:02:05), Juan Miguel Tayag (1:02:40), at Darell Johnson (1:03:22).
Ang mga nagwagi sa women’s division ay sina Naomi Felicity Aytin (1:18:42), Edellaine Mae Diggs (1:18:36), at Maria Celinda Raagas (1:19:05).Ang SuBIT ay ang longest-running Olympic distance triathlon sa Asia. (HATAW News Team)
