HATAW! D'yaryo ng Bayan hatawtabloid.com
NAPASABAK si Ella Cruz sa kakaibang role sa pinakabagong primetime teleseryeng handog ng ABS-CBN at Dreamscape Entertainment Television na pinamagatang Bagito. Ito raw ang pinaka-challenging role na natoka sa kanya.
Three months ago lang nang nag-debut si Ella sa kanyang huling TV series na Ar-yana ay medyo nene pa talaga. Pero ang Bagito ay kakaiba sa mga nagampanan na niya before.
Gumaganap si Ella sa Nash Aguas-Alexa Ilacad starrer na serye bilang si Vanessa. Isang college student na may problema sa inang nagtatrabaho sa Tate at sa BF niyang pabling. Dito eentra sa buhay niya si Drew (Nash) at sa hindi sina-sadyang pangyayari, mabu-buntis siya ng katorse anyos na binatilyo.
Sa love scene nila ni Nash daw kinabahan nang husto si Ella. Although, suggestive lang ito at definitely ay walang bastos o offensive na ipinakita rito, aminado si Ella na na-shock siya nang napanood ang natu-rang eksena.
“Habang pinapanood ko kanina’y kinakabahan ako nang sobra. First time kong ginawa iyon. Hindi ako makapaniwala na nagawa ko na ang ganoong scene, parang shock pa rin ako,” saad ni Ella.
Hindi naman nagpaka-plastic si Ella na aminin na okay lang sa kanya kung may dara-ting pang daring na offer. ”Siyempre nasimulan na po, ayoko naman na sabihin nila na nag-iinarte ako. Siyempre po I can still play tweetum and wholesome roles po. Pero mas gusto ko po talaga iyong challenging, ‘yung talagang macha-challenge ako.”
Ang Bagito ay sa ilalim ng produksiyon ng Dreamscape Entertainment Television, ang grupong lumikha ng mga de-kalibre at top-rating TV masterpiece gaya ng Walang Hanggan, Ina, Kapatid, Anak, Juan Dela Cruz, at Ikaw Lamang.
Ito ang kauna-unahang Kapamilya Primetime teleserye nina Nash at Ale-xa. Nagsimula na itong umere last Monday at mapapanood bago mag-TV Patrol.
Tampok din dito sina, Agot Isidro, Ariel Rivera, Angel Aquino, Paolo Santiago, Alex Diaz, ang grupong Gimme 5 na binubuo nina Joaquin Reyes, John Bermudo, Grae Fernandez, Brace at Arquia, at iba pa. Ito’y mula sa direksiyon nina Onat Diaz at Jojo Saguin.
ni Nonie V. Nicasio
