Daniel, umiiwas na sa mga barkada (Dahil sa video scandal)

ni Alex Brosas

IWAS na iwas na pala si Daniel Padilla sa kanyang mga kaibigan simula nang pumutok ang audio-video scandal niya.

Matapos traydurin ng isang itinuring niyang friend, hindi na raw nagpapakita ang teen king sa kanyang mga kaibigan.

One of Daniel’s friend named Jon was interviewed and we read in one article sa isang website ang kanyang interview. Sinabi ni Jon na nagbago na si Daniel ng pakikitungo sa kanila. Hindi na raw ito ang dating Daniel na kilala nila.

Sabi pa ni Jon, bihira na raw nilang makasama si Daniel sa mga lakaran. Iniiwasan na sila ng binata dahil na rin sa turo siguro ng ina nitong si Karla Estrada.

Kung noon ay linggo-linggo silang nagba-basketball, ngayon ay hindi na nila nakakasama si Danel sa kanilang games.

Dati raw, once a week ay nagyayaya si Daniel sa kanyang mga kaibigan na mag-bonding sa kanilang bahay pero ngayon ay wala ng invitation mula sa actor. Kung mayroon man, piling-pili na ito at talagang sinasala kung sino ang makakasama.

Hindi na rin daw gaanong nagte-text ang binata. Wala na raw itong tinatawagang kabarkada o kabanda.

Naiintindihan naman ni Jon kung bakit nagkaganito sa Daniel, siyempre, nag-iingat lang ito na huwag maulit ang nangyari sa kanya. Kaya lang, ang hinanakit ni Jon, pati sila ay nadamay.

Ganoon talaga, damay-damay talaga.