HATAW! D'yaryo ng Bayan hatawtabloid.com
NOONG Sabado, isang email ang natanggap namin mula sa TV5 ukol sa pag-alis ng Megastar na si Sharon Cuneta sa Kapatid Network.
At para matigil na ang bulong-bulungan, isang kompirmasyon ang pinalabas ng TV5.
Anang official statement ng estasyon, ”TV5 wishes to extend its gratitude to Ms. Sharon Cuneta for being part of the Kapatid Network for almost three years. The network wishes her well in all her future endeavors.”
Bago pa ang statement, nauna nang naglabas ng pahayag si Sharon sa kanyang Facebook at Twitter account. Ito ay ang, “Sharon Cuneta is no longer with TV5.”
Walang inilagay na rason o anuman si Sharon kung bakit umalis na siya sa naturang network. Maliban sa , “I am going to drop clues every now and then as to the things I will be working on which will start sooner than you think!
“So keep watching out for those clues.
“Good night everyone! Sweet dreams and May God bless you always!
“In the meantime, I leave you with this BIG announcement.”
Isa kaya sa matinding pag-iisip noon ni Sharon ay ukol sa kanyang career sa TV5? Aminin man o hindi, hindi naging maganda ang naging paglipat niya dahil sa tatlong show niya simula nang lumipat siya noong November 2011, ay hindi nag-rate. Ang mga show na tinutukoy namin ay ang Sharon: Kasama Mo, Kapatid, ang teleseryeng Madam Chairman, at ang weekly musical program na The Mega and the Songwriter.
Napag-alaman naming limang taon pala ang pinirmahang kontrata ni Sharon sa TV5 kaya may dalawang taon pa sana siyang bubunuin. Pero hindi na nahintay ni Sharon na matapos ang kontrata.
Sa pag-alis ni Sharon sa TV5, marami ang nagtatanong sa atin kung babalik kaya siya sa ABS-CBN2?
Well, abangan po natin.
ni Maricris Valdez Nicasio
