HATAW! D'yaryo ng Bayan hatawtabloid.com
NAPANGITI lang daw si Sam Milby sa pag-amin ni Shaina Magdayao na lumalabas sila kasama ang non-showbiz friends at sa tanong kung nanliligaw ang aktor sa dalaga ay nagsabing, “si Sam na lang tanungin ninyo.”
Kaya naman nang tanungin ang leading man nina Anne Curtis at Cristine Reyes sa pelikulang The Gifted na ipalalabas na sa Setyembre 3 ay ngumiti lang daw.
Ayon kay Sam nang makatsikahan siya nang mag-renew ng dalawang taong kontrata sa Star Magic ay mas naging maganda na ang relasyon nila ngayon ni Shaina dahil mas nakakapag-usap na sila kompara noon.
Naging close raw sina Sam at Shaina ng magkaroon sila ng Europe Tour kasama si Rayver Cruz na ex-boyfriend ng aktres at iba pang artista ng Star Magic.
Pero sa tanong kung itutuloy pa ni Sam ang panliligaw niya kay Shaina na naudlot dati dahil kay Piolo Pascual na binakuran ang dalaga ay hindi na nagbigay ng pahayag pa ang aktor.
Ito rin ang sinabi niya nang makatsikahan siya sa presscon ng The Gifted na kung sinuman ang liligawan niya ay hindi na niya muna ipaaalam dahil baka hindi matuloy, gusto ni Sam na maging private ang kanyang love life.
Weeeh, ‘di nga Sam? Hindi puwedeng hindi namin malaman ‘no, ayaw ng fans!
As of now ay nag-e-enjoy ang aktor kapag lumalabas sila nina Shaina at ibang group of friends.
ni Reggee Bonoan
