HATAW! D'yaryo ng Bayan hatawtabloid.com
SINA Enrique Gil at Liza Soberano pala ang dapat na bida sa remake ng Pangako Sa ‘Yo, pero sa hindi malamang dahilan ay napunta kina Daniel Padilla at Kathryn Bernardo.
Ito ang tsika sa amin ng TV executive na nakausap namin kamakailan kaya nagulat daw siya nang mabasa na ang KathNiel na ang gaganap sa programang nagpasikat nang husto kina Echo at Kristine.
Nabanggit pa ng aming kausap na TV executive na baka raw naisip ng management na ibigay na lang kina Daniel at Kathryn kasi kumita nang husto ang She’s Dating The Gangster at bilang follow-up na rin sa serye nilang Got To Believe In Magic.
Pero huwag naman daw malulungkot ang fans nina Enrique at Liza dahil maganda rin ang kapalit ng Pangako Sa ‘Yo, ang movie nina Kristine at Jericho na Forevermore na kumita rin nang husto noong 2002.
“May look test nga today (Martes) para sa additional cast ng ‘Forevermore’,” say ng kausap namin.
Dagdag pa, “matatagalan pa ang ‘Pangako Sa ‘Yo’ nina Daniel at Kathryn kasi marami pang inaayos at busy pa ‘yung dalawa. Next year na ‘yun.”
Natawa naman kami sa reaksyon ng isa sa publicist ng GMA-7, “ganoon, kaloka, ano kaya ang itatapat ng GMA sa ‘Pangako Sa ‘Yo’ at ‘Forevermore’? Lagot na naman.”
Aliw ‘di ba kasi aminado rin naman pala ang mga tagapagtanggol ng GMA na hindi nila kayang tapatan ang mga sikat na youngstars ng ABS-CBN.
ni Reggee Bonoan
