Anne, ipinagkibit-balikat ang balitang hiwalay na sila ni Erwan

NOONG May this year pa nabalitang naghiwalay na sina Anne Curtis at BF nitong si Erwan Heussaff. Bagamat agad nilang pinasinungalingan ito, hanggang ngayo’y pinag-uusapan pa ito.

“I think it would just keep on happening because we’re not a showbiz couple,” paliwanag ni Anne nang makausap namin ito sa presscon ng romantic comedy film ng Viva, ang The Gifted na mapapanood na sa September 3 at pinagbibidahan din nina Cristine Reyes at Sam Milby.

Sinabi pa ni Anne na patuloy na hindi namamatay ang usaping hiwalay na sila dahil, “we choose to keep it private” na ibig sabihin, hindi sila ‘yung tulad ng iba na ipino-post ang mga sweet moments sa Instagram.

“I don’t think it (the rumors) will ever stop as long as we’re private. So okay lang. Siya (Erwan), natatawa na lang siya,” sambit pa ni Anne.

Samantala, hindi pa naman daw handa si Anne sakaling alukin siya ng kasal ni Erwan at iginiit na hindi naman siya naiinggit sa nangyaring proposal ni Dingdong Dantes kay Marian Rivera.

“Huwag muna! Huwag muna. Siguro mga three or four years, I’ll be ready.”

Sa kabilang banda, kakaiba ang mga karakter na gagampanan nina Anne at Cristine sa The Gifted dahil pareho silagn genius mula pagkabata, pero hindi naman pinagpala ng kagandahan at kaseksihan. Gagampanan ni Anne si Zoe Tuazon, mayaman, overweight, at bitch. Si Cristine naman ay si Aica Tabayoyong, nerd ang hitsura dahil makapal ang kilay at salamin, malapad pa ang ilong at frizzy ang buhok.

Lalaki silang magkaribal sa patalinuhan, atensiyon, at pagmamahal ng guwapo at Ingliserong si Mark Ferrer (Sam) na kaklase nila.

Mapapanood na ang The Gifted sa Sept. 3 na handog ng Viva Films at MVP Entertainment Philippines.

ni Maricris Valdez Nicasio