HATAW! D'yaryo ng Bayan hatawtabloid.com
NAPILI na ang Final Four sa The Voice Kids na sina Darren, Lyca, na si Sarah Geronimo ang voice coach, samantalang si Darlene ay kay coach Leah Salonga, at Juan Karlos kay coach Bamboo.
Mapapanood ang grand finals ngayong Sabado, Hulyo 26 at Linggo, Hulyo 27 kaya naman kabado na ang apat na bagets kung sino sa kanila ang tatanghaling unang grand champion ng Voice Kids.
Samantala, trending sa social media ang mga sinabi nina Darren, Lyca, Darlene, at Juan Karlos sa kagustuhan nilang mapanalunan ang bahay na handog ng Camella Homes mula sa VistaLand chaired by Sen. Manny Villar at kung ano ang gagawin nila sa premyong ito.
Ayon kay Darlene, “’pag nanalo po ako ng bahay sa Camella Homes, palalagyan ko kuwarto ko ng Hello Kitty at kuwarto naman ng ate ko, palalagyan ko ng wallpaper ng crush niya.”
Nakakuha ng 2,633 likes at 189 comments ang post na ito ni Darlene sa kayang FB account.
Si Lyca naman, “’pag nanalo po ako ng bahay sa Camella, roon po ako magbi-birthday at magse-celebrate sa loob ng bahay.”
Nakakuha naman ng 61 likes at 896 comments ang batang taga-Cavite na inihalintulad kay Ms. Nora Aunor.
Samantalang si Darren naman, “kapag nanalo ako ng bahay sa Camella ay ise-set up ko po ‘yung room ko at invite ko friends ko para mag-swimming kami.”
Nakakuha naman ng 3, 622 likes at 659 comments.
At ang pang huli na si Juan Karlos ay, “’pag nanalo ako ng bahay sa Camella, gagawin kong color white ‘yung kuwarto ko, favorite color ko po kasi white.”
Nakakatuwa ang mga batang ito dahil may kanya-kanya silang pangarap sa bahay na mapapanalunan nila.
