Erik, pumunta ng Amerika para dalawin si Rachelle Ann at manood ng Miss Saigon

KASALUKUYAN palang nasa Amerika si Erik Santos na hindi namin alam kung may show siya o sinadya niyang dalawin ang babaeng minsang niligawan niya, si Rachelle Ann Go at para manood ng Miss Saigon.

Base mga post ni Erik na pictures nila ni Rachelle sa tabi ng telephone booth, at magkatabi sila sa isang sasakyan at may caption na, “So happy to be with my Princess Ariel again @gorachelleann. See you in Saigon tomorrow.#soexcited”

Ang tanong, hindi kaya magselos si Angeline Quinto ngayon na panay ang pa-interview na super close sila ngayon ni Erik at nagsasabihan pa ng ‘I love you?’ na ayon sa Queen of Teleserye Theme Songs ay gusto niya na ang binatang singer ang mag-confirm kung ano ang estado ng relasyon nila ngayon.

Tinext namin si Erik tungkol dito pero hindi kami sinagot at nalaman nga namin na nasa Amerika siya.

Kilalang selosa si Angeline kaya gusto naming malaman kung ano ang reaksiyon niya kapag nalaman niyang magkasama sina Rachelle Anne sa Amerika.

Hmm, teka, hindi kaya sinadyang puntahan ni Erik si Rachelle Ann para testingin kung may pagtingin pa siya rito dahil nga minsang niligawan niya ang dalaga pero hindi niya itinuloy kasi nga nakiusap ang kaibigan niyang si Christian Bautista na gusto rin niyang manligaw na naging girlfriend niya.