Kris TV, katakot-takot na sorpresa ang hatid

SA pagdiriwang ng ikatatlong anniversary ng Kris TV ngayong Hulyo ay may sorpresang hatid sa mga Kapamilya ang morning talk reality program—tripleng EXCITEMENT, tripling EXCLUSIVES, tripling EXPERIENCE!

Panibagong milestone sa Philippine TV ang magaganap sa pagbisita ni Kris Aquino sa Dumaguete at Siquijor kasama ang nag-iisang King of Talk na si Boy Abunda na kikilalanin ang mga Kapamilyang naninirahan doon at aalamin kung paano nila napananatiling buo ang kanilang kultura. Ipakikita rin ang kagandahan ng probinsiya at buburahin ang negatibong impresyon tungkol sa Mystical Island.

Kasabay naman ng Asia Rainbow TV Awarding sa Macau na itinanghal ang Queen of All Media bilang Outstanding Program Hostess ay lilibutin nina Kris at Melai Cantiveros ang naturang lugar at titikman ang iba’t ibang authenthic Macanese cuisine. Magiging bahagi rin ng espesyal na Kris TV Asian Adventure ang ibang Kapamilya roon.

Para sa ikatlong leg ng EXCITING adventure, lalakbayin naman nina Kris at Pokwang ang pinakamalaki at most culturally significant city sa northern Thailand, ang Chiang Mai.

Isang masarap na pagsasalo naman ang magaganap sa tahanan ni Kris kasama sina Carmina Villarroel-Legaspi, Pokwang, at Judy Ann Santos-Agoncillo na maghahanda ng kanya-kanyang specialties para sa mga loyal Kris TV viewers.

May talk at musical special para ipagdiwang ang buhay at pag-ibig kasama ang Phenomenal Box-office star na si Vice Ganda. Another first on Kris TV, sasamahan ni Angel Locsin si Kris sa paghahanap ng budget-friendly na kainan hanggang high-end dining destinations sa metropolis.

Imbitado ang 300 Kapamilya viewers mula sa tatlong (3) main island group ng bansa—Luzon, Visayas, at Mindanao, sa isang grand family fun day. Ang mapipiling pamilya ay makikipagsaya sa pinakamalaking amusement park ng bansa, ang Enchanted Kingdom, free admission at exclusivAMe sa Kris TV.

Simula noong Lunes, Hulyo 7, times three ang inspiration, times three ang discoveries, times three ang love. Sa pagpapatuloy ng kakaibang adventure at experience at Kris TV is 3!