HATAW! D'yaryo ng Bayan hatawtabloid.com
ni Reggee Bonoan
NAKITA namin si Toni Gonzaga sa Grub Restaurant sa ELJ Building noong Biyernes ng tanghali at may taping daw sila ng sitcom na Home Sweetie Home kasama si John Lloyd Cruz.
Sinabi naming posibleng maungusan ng She’s dating The Gangster ang Starting Over Again na kumita ng P430-M.
“Ah, talaga? Tingnan natin,” sabi ni Toni na parang naniniwala siyang hindi kayang abutan ng tambalang Daniel Padilla at Kathryn Bernardo ang pelikula.
Samantala, binanggit din namin na mas magaling umarte ang kapatid niya kompara sa kanya.
“Okay lang sa akin kung mas magaling si Alex, kapatid ko naman siya, hindi naman ako nakikipag-compete, “ sabi ng TV host/actress.
Binanggit namin na sa comedy at hosting ang forte ni Toni samantalang ang kapatid niya ay dagdag ang galing sa drama.
“Oo nga, magkaiba kami at saka mas marami siyang kayang gawin, mas witty ‘yun,” pag-amin ni Toni.
“Hmm, kayo talaga, ‘pag kaharap n’yo si Alex, ako ang pinupuri n’yo, tapos ‘pag ako kaharap n’yo, pinupuri n’yo siya,” birong sabi sa amin ng panganay nina Mommy Pinty at Daddy Carlito.
