Tiket sa concert ng Be Careful… nagkakaubusan na!

INAMIN sa amin ng TV executive na involved sa free concert na I HEART YOU 2: The ‘Be Careful With My Heart’ Anniversary Thanksgiving na gaganapin sa Hulyo 25 (Biyernes), 8:00 p.m. sa Smart Araneta Coliseum na kailangang magpa-reserve na raw ng tickets ang mga gustong manood dahil nagkaka-ubusan na ng tickets.

“Dapat ngayon palang ay tumawag na sa ABS-CBN at alamin paano makakakuha ng libreng tickets kasi ang dates of distribution ay sa July 21 at 23 at hindi na kami maglalabas ulit ng tickets,” sabi sa amin.

Malalaman daw iyon sa website ng Be Careful With My Heart kung sino ang dapat tawagan at kung kailan kukunin ang tickets.

Samantala, dahil sa sobrang kinikita at pagtangkilik ng mga supporter ng kilig-serye nina Richard Yap at Jodi Sta. Maria ay magpapa-free concert sila.

“It’s about time to give back, Reggee kasi for two straight years, grabe ang suporta ng tao, ang sponsors hindi bumibitaw, nadadagdagan pa, ang ratings, steady at pataas, so ano pa ba ang hihilingin namin, so it’s time talaga to give back to our loyal supporters,” say ng executive na kausap namin.