HATAW! D'yaryo ng Bayan hatawtabloid.com
ni Reggee Bonoan
PERSONAL na tinanggap ni Kris Aquino ang award niya bilang Outstanding Program Hostess para sa morning show niyang Kris TV sa nakaraang Asia Rainbow TV Award na ginanap sa Macau, China noong Huwebes ng gabi.
Hindi naman nakasama si Boy Abunda para tanggapin ang tropeo niya bilang Outstanding Program Host para sa programang The Bottomline.
Samantala, nanalo rin ang ASAP 19 ng Outstanding Variety Program at si Kris din ang tumanggap.
Nainterview namin dati si kuya Boy sa set ng Aquino & Abunda Tonight at binanggit niyang nominado sila ni Kris at hindi siya sure kung mananalo dahil nga maraming kalaban.
Dadalo raw siya sa 2014 Asia Rainbow TV awards sa Macau kapag inilibre siya ng pamasahe ng organizers, pero biglang kabig niya na baka hindi rin siya makadalo talaga.
At Huwebes ng umaga ay lumipad patungong Macau si Kris kasama ang dalawang anak na sina Josh at Bimby at ang staff ng Kris TV para isabay na rin ang taping doon para sa nasabing programa.
