HATAW! D'yaryo ng Bayan hatawtabloid.com
ni Reggee Bonoan
PiNATAY na ang karakter ni Cherie Gil bilang si si Miranda Salazar-Hidalgo na asawa ni Tirso Cruz III bilang si Eduardo Hidalgo sa master-seryeng Ikaw Lamang na ipinalabas noong Miyerkoles ng gabi.
Base takbo ng kuwento ay sinundan ni Cherie ang amang si Ronaldo Valdez bilang si Maximo Salazar nang makipagkita siya kay John Estrada gumaganap sa papel na Gonzalo Miravelez na may planong hindi maganda.
Nagkaroon ng pagtatalo sina Maximo at Gonzalo bagay na inawat ni Miranda hanggang sa nagkabarilan at ang huli ang tinamaan.
Wala kaming alam na maagang papatayin ang karakter ni Cherie dahil sa pagkakaalam namin ay hanggang Setyembre pa ang Ikaw Lamang kaya nakagugulat.
Bukod dito ay may mga nabasa pa kaming blind item na tinutukoy ang isang veteran actress na parating kontrabida ang papel na namomroblema ang production dahil bigla na lang daw ito aalis ng taping bagay na ginawa ni Cherie rati sa set ng Ikaw Lamang, pero naayos din.
Ayon pa sa blind item, planong patayin na ang karakter ng veteran actress dahil mahal din ang talent fee nito na P250,000 per taping at kung maka-apat na taping days siya sa isang linggo ay tumataginting na P1-M siya.
Kaya habang pinaninood namin ang Ikaw Lamang noong Miyerkoles at pinatay na nga si Cherie alyas Miranda ay ito kaagad ang pumasok sa isipan namin na sadyang iniklian na ang exposure niya.
Kaagad naman itong klinaro sa TV executive na napagtanungan namin tungkol kay Cherie, “talagang hanggang mid-June lang contract niya kasi she will be in New York (USA) with her kids for summer.”
At tungkol naman sa sinasabing P250,000 ang TF per taping ni Cherie, “wow, ang yaman naman, ha, ha, ha, ha hindi ah. Wit!” say pa ng TV executive.
Hayan malinaw na Ateng Maricris na hindi sinadyang patayin ang karakter ni Cherie dahil problemado sa kanya ang production.
Dadag sabi naman ng isa pang executive sa amin, “kinailangang patayin na siya sa kuwento.”
Oo nga, kasi may Ronaldo, John, Jake Cuenca, at Julia Montes pang kontrabida sa pag-iibigan nina Coco Martin (Samuel) at Kim Chiu (Isabelle).
