HATAW! D'yaryo ng Bayan hatawtabloid.com
PATAY ang dalawang hinihinalang drug pusher makaraan makasagupa ang mga operatiba ng QCPD District Anti-Illegal Drugs sa buy-bust operation sa Katarungan St., Brgy. Commonwealth, Quezon City kahapon ng madaling-araw. (ALEX MENDOZA)
PATAY agad ang dalawang hinihinalang drug pusher makaraang makipagbarilan sa mga operatiba ng Quezon City Police District (QCPD) sa Barangay Commonwealth, Quezon City, kahapon ng madaling araw.
Sa ulat kay Chief Supt. Richard Albano, QCPD Director, patuloy na inaalam ang pagkakakilanlan sa dalawang suspek na napatay nang makipagbarilan sa mga operatiba sa Katuparan St., Brgy. Commonwealth, dakong 2:30 a.m.
Nauna rito, nagsagawa ng buy-bust operation ang mga operatiba ng QCPD-District Anti-Illegal Drugs sa pamumuno ni Insp. Roberto Razon sa nasabing lugar.
Habang isinasagawa ang bilihan ng droga, nakahalata ang mga suspek na mga pulis ang poseur buyer kaya nauwi sa barilan na nagresulta sa pagkamatay ng dalawa.
Narekober sa pinangyarihan ng enkwentro ang kalibre .45 at kalibre .38 baril, marked money na ginamit sa transaksyon at nasa 50 gramong shabu na tinatayang nagkakahalaga ng P100,000.
Nakuha rin sa mga suspek ang gamit na motorsiklo na nakaalarmang kinarnap. (Almar Danguilan/jethro sinocruz)
