HATAW! D'yaryo ng Bayan hatawtabloid.com
NASAKOTE ang 15 katao sa isinagawang “Oplan Galugad” ng Quezon City Police District (QCPD) kahapon ng madaling-araw sa mga lansangan ng Fairview, Quezon City.
Ayon kay Chief Supt. Richard Albano, QCPD director, ang operasyon ay kaugnay sa isinasagawang malawakang paghahanap sa gunman sa walang habas na pagpatay sa lima katao noong Mayo 11, 2014 sa Fairview.
Nakompiska mula sa mga nadakip ang apat kalibre .38, improvised shotgun o sumpak, samurai, ilang sachet ng shabu at parapernalia sa paggamit nito.
Ayon pa kay Albano, magpapatuloy ang operasyon upang mabigyan ng seguridad ang bawat residente ng lungsod.
Dagdag pa ng opisyal, naglagay na rin sila ng mobile station sa mga lugar na madalas may maganap na krimen.
(ALMAR DANGUILAN)
