HATAW! D'yaryo ng Bayan hatawtabloid.com
ni Reggee Bonoan
TUWANG-TUWA ang advertisers na nasa AD Summit Congress sa Subic noong Sabado na sponsored ng ABS-CBN dahil talagang pinasaya sila ng Kapamilya stars sa pangunguna ngShowtime hosts na sina Vice Ganda, Vhong Navarro, Karylle, Kuya Kim Atienza at iba pa minus Anne Curtis dahil may taping ng Dyesebel. Ang nasabing programa ang nagbigay kasiyahan sa advertisers ng buong gabi.
Samantala, nag-mini-concert naman daw si Bamboo na isa sa judge ng reality show na The Voice Kids at nagkroon naman ng spot number si Toni Gonzaga bilang host ng programang Pinoy Big Brother at leading lady ni John Lloyd Cruz sa Home Sweetie Home.
Sumayaw naman sina Enrique Gil at Julia Barretto na cast ng Mira Bella gayundin sina Andi Eigenmann at Sam Milby cast ng Dyesebel at may special participation si DJ Tom Taus para sa live electronic dance music kaya lalong nag-enjoy ang advertisers.
Kumanta naman sina Paulo Avelino at Bea Alonzo soundtrack ng upcoming serye nilang Sana Bukas Pa Ang Kahapon, ang Gusto Kita na orihinal na kinanta ni Gino Padilla.
Malakas talaga ang hatak ni Piolo Pascual nang lumabas siya dahil tilian ang kababaihan para sa seryeng Hawak Kamay kasama sina Iza Calzado, Nikki Gil at childstars na sina Zaijian Jaranilla, Xyriel Manabat, at Andrea Brillantes.
Nagparapol naman ang ABS-CBN para sa advertisers at dagdag katuwaan ay nagpakontes ngPoGay, Stars in 45, at That’s My Thou na sinalihan din ng TV executives ng Dos.
