HATAW! D'yaryo ng Bayan hatawtabloid.com
ni Reggee Bonoan
SA pagpapatuloy ng kanilang kuwentong My Guardian ay mas ipauunawa nina Andrea Brillantes at Raikko Mateo sa mga kapwa nila bata ang halaga ng pagmamahal ng mga nanay.
Sa kanyang pagpapanggap bilang isang normal na bata, mararamdaman ni Kiko (Raikko) ang pagmahahal ng isang ina sa pag-ampon sa kanya ng pamilya ng binabantayang si Ylia (Andrea).
Ngunit sa kabila ng intensiyon ni Kiko na makatulong ay magsisimulang magselos si Ylia sa bago niyang kapatid dahil sa atensiyon na ibinibigay ni Carol (Mylene Dizon) dito.
Paano maaayos ni Kiko ang relasyon ni Ylia sa kanyang pamilya ngayong galit ito sa kanya? Tampok din sa My Guardian Angel sina Ejay Falcon, Ketchup Eusebio, Ruby Rubi, Gerard Pizarras, Abby Bautista, Racquel Pareño, Lui Villaruz, Dale Badillo, at Vangie Martell mula sa panulat ni Joel Mercado at direksiyon ni Jon ‘Sponky’ Villarin.
Huwag palampasin ang pagpapatuloy ng month-long special nina Andrea at Raikko sa Best Development-Oriented Children’s Program ng 2014 Gandingan Awards, Wansapanataym.
