Tapyas-buwis sa Binay admin (Kumikita ng P30,000 pababa)

HINDI na bubuwisan ang mga kumikita ng P30,000 at pababa  kada-buwan  sa Binay administration.

Ang ginhawang tapyas-buwis ay isa sa mga ilalaban ng pambato ng United Nationalist Alliance (UNA) na si Jejomar Binay.

Kayang-kaya ang tapyas-buwis sa kadahilanan na ang mawawalang P30 bilyon sa kaban ng goberyno ay wala pa isang porsiyento sa inaprubahang badyet ng gobyerno ngayong 2016 na P1.3 trillion, ayon kay Binay.

Kayang-kaya din bawiin ang mawawalang pondo sa isang masinsinang pagsugpo ng smuggling, diin ni Binay.

Halos P230-bilyon ang nawawala sa mga smugglers ng bigas, bawang at ibang pang produktong agrikultura noong nakaraang taon sa kasalukuyang Aquino administrasyon. Halos hindi rin binabanggit ng Liberal Party ang malalang isyu ng smuggling.

Maliban sa agriculture smuggling, halos P30 bilyon din ang nawawala sa oil smuggling at halos P12 bilyon sa tobacco smuggling.

Ang tapyas-buwis ay malaking tulong sa pang araw-araw na gastos sa pamilyang Filipino, ayon kay Binay.

Bukod sa dagdag kita, mas maraming mabibili ang bawat pamilyang Filipino na makatulong sa kanilang buhay at sa ating ekonomiya, diin ni Binay.