HATAW! D'yaryo ng Bayan hatawtabloid.com
HINDI na pinaikot-ikot ni Meg Imperial ang movie press nang makapanayam siya sa presscon ng bagong season ng Wattpad Presents TV Movie.
Noong panahon ng serye niyang Moon of Desire ay proud siya sa pagsasabing virgin pa siya.
Binalikan siya ngayon ng press kung intact pa rin ba ang sinasabi niyang virginity?
“Siguro po, time changed naman, ‘yun na lang. Huwag na tayong magpaka-ipokrita,” prangka niyang pahayag.
Buong ningning na sinabi ni Meg na kagagaling lang niya sa pakikipagrelasyon sa non-showbiz guy. Nagkahiwalay sila dahil nagbago ang lalaki at parang nawalan ng respeto sa kanyan ina.
”Nagkaroon siya ng broken promises na involved ‘yung parents ko, so sabi ko, hindi puwede sa akin ‘yun kasi para sa akin, unang-una, mahalin mo ‘yung magulang ko, ‘di ba? Para alam ko na kapag magtagal man tayo, hindi mawawala ang respeto mo sa kanya. ‘Yun ang naging problema roon plus feeling ko, cassanova nga talaga siya,” pagtatapat ni Meg.
Ang magiging episode kasi ni Meg sa Wattpad Presents ay My Cassanova Husband’nkaya nai-konek niya sa naging experience sa ex-boyfriend.
Anyway, clueless pa rin si Meg kung bakit siya nadamay sa hiwalayang Ciara Sotto at Jojo Oconer na umano ay siya ang third party at siyang sumira sa marriage ng dalawa.
“Sinearch ko siya, to the point na sinearch ko siya, kung sino siya,”sambit ni Meg dahil hindi niya kilala si Jojo.
“Hindi ko nga rin po alam kung bakit (siya nadamay), hindi ko rin po alam kung paano nangyari, kung saan ‘yung source nila, pero sobrang layo po talaga,” aniya pa.
”So, ako rin po, palaisipan sa akin kung paano nakonek, kasi never ko pong i-involve ang sarili ko sa isang married man kasi kung ako man magkaroon ng relasyon, siyempre gusto ko, ako lang,” bulalas pa niya.
Sa mga nagtataka kung balik TV5 si Meg. Viva talent siya kaya nailagay siya sa mga Viva show sa TV5.Nagpaalam naman daw sila sa ABS-CBN 2 na habang wala pa siyang project ay gagamitin muna siya ng Viva sa mga prodyus nilang shows. Kasama rin siya sa Bakit Manipis ang Ulap sa TV5.
Nagbukas din daw sila ng negosyo ng Mama niya sa Bicol.
Magsisimula na sa February 6 ang new season ng Wattpad Presents sa episode na pagbibidahan ni Ella Cruz, ang Avah Maldita.
TALBOG – Roldan Castro
