Japan magbibigay ng defense equipment, patrol vessel (Para sa West PH sea)

TINIYAK ng Japan na magbibigay sa Filipinas ng defense equipment at malalaking patrol vessels sa gitna nang agawan ng China at Filipinas sa teritoryo sa West Philippine Sea (WPS).

Sa bilateral talks nina Pangulong Benigno Aquino III at Japanese Prime Minister Shinzo Abe kamakalawa ng gabi, nagkaisa ang dalawang lider na madaliin na ang pagbalangkas at paglagda sa kasunduan na magbibigay daan sa pagpapalakas ng defense at security relations.

Inihayag ni Abe na pinag-aaralan na ng Japan ang hirit na “large patrol vessels” ni Aquino para sa Philippine Coast Guard.

“The President and I also had a candid exchange of views on regional peace and stability. We shared deep concerns over unilateral actions to change the status quo such as the large-scale land reclamation and building of outpost in the South China Sea,” ani Abe.

Patuloy aniya ang pagsuporta ng Japan sa kasong idinulog ng Filipinas laban sa China sa international tribunal.

“Regarding the arbitration between the Philippines and China, which has entered into a new stage, we reiterated our position to continue to support dispute resolution based on international law,” ani Abe.