HATAW! D'yaryo ng Bayan hatawtabloid.com
TINAWAG na idiot si Vice Ganda ng isa niyang detractor. At kahit ang fans niya na umiidolo sa kanya ay tinawag rin nitong idiot.
Parang hindi alam ng detractor niya ang ibig sabihin ng salitang idiot para tawagin niyang ganoon ang mahusay na komedyante at TV host.
Ang ibig kasing sabihin ng idiot ay stupid person, fool, ganoon. Eh, hindi naman ganoon si Vice, noh! May galit lang siguro sa kanya ito kaya tinawag niya ng ganoon si Vice.
Sa totoo lang, witty si Vice, huh! Ang bilis nga ng utak niyang sumagot sa mga tanong sa kanya sa bawat interviews niya at may katuturan ang mga sagot niya na may kasama pa ngang punchline. At kahit sino pang matatalinong tao ang nakakaharap niya ay nagagawa niyang makipag-usap sa mga ito na hindi siya nawawala sa conversation kahit anong topic pa ang i-discuss. Ganoon katalino si Vice, sa totoo lang naman.
Tungkol pa rin kay Vice, busy siya ngayon sa shooting ng pelikulang Beauty and The Bestie na silang dalawa ni Coco Martin ang bida. Ang pelikula ay isa sa official entries sa 2015 Metro Manila Film Festival. At kung mag-best friend sila ni Coco sa totoong buhay, sa pelikula ay best friends din ang role nila.
Kasama rin sa pelikula ang loveteam nina James Reid at Nadine Lustre. Si James ay gaganap bilang kapatid ni Coco at si Nadine naman ay pamangkin ni Vice.
Sigurado kami na ang Beauty and The Bestie ang magiging topgrosser sa filmfest this year. Lagi naman kasing nangunguna sa takilya ang movie ni Vice sa MMFF, ‘di ba? Tapos kasama pa niya si Coco at ang JaDine, kaya posible talagang sila ang maging topgrosser.
MA at PA – Rommel Placente
