Sanggol, 2 bata sinakmal ng unggoy

BUTUAN CITY – Isinugod sa ospital ang isang sanggol at dalawang bata makaraang sakmalin nang nakawalang unggoy sa Brgy. Bayanihan, sa Lungsod ng Butuan kamakalawa ng gabi.

Ang mga biktima ay itinago sa pangalang Sarah, 13-anyos; Kim, isang taon gulang; at Ervin, 10-anyos, pawang nakaranas din ng trauma makaraan ang insidente.

Napag-alaman, isang taon nang nakatali ang naturang unggoy na pagmamay-ari ni Joel Curada, inaasahang siyang gagastos para sa anti-rabies vaccine ng mga biktima.

Habang ikukustodiya ang nasabing unggoy sa Protected Areas and Wildlife Bureau ng Department of Environment and Natural Resources-Caraga.