HATAW! D'yaryo ng Bayan hatawtabloid.com
ROYAL Princess na ang bansag kay Julia Montes ngayon dahil dual role siya sa seryeng Doble Kara.
Siyempre, flattered si Julia sa kanyang title.
Dalawa ang leading men ni Julia sa bagong serye niya, hindi kaya magselos ang rumored boyfriend niyang siCoco Martin?
“Siya nga po yung sinasabi ko na super close ko at inspiration ko ngayon,” sambit niya sa isang panayam.
Nakita raw niya kasi kung paano nagsimula si Coco sa indie hanggang maging Primetime King ng Dos.
Hanga rin siya dahil nakikita niya ang pagiging family oriented ni Coco.
Todo tanggi pa rin siya sa tunay na estado ng relasyon nila ni Coco. Mahirap daw ipasok sa isip niya dahil ayaw niyang ma-stress.
Basta wala raw siyang nakapakong loveteam para wala siyang iniisip na may masasaktan siya at less pressure sa kanya. Hindi raw niya masasabi ngayon kung kailan siya makikipagseryoso sa isang relasyon.
Paano kung seryosohin siya ni Coco?
“Siguro magpaalam muna siya sa lola ko,” tumatawang sagot ng aktres.
ROLDAN CASTRO
