Sandy, mas naging ina kay Ian; Nora, inisnab daw ang kasal ng anak

 

 

PINAG-UUSAPAN ngayon ang hindi pagdalo ng nag-iisang superstar na si Nora Aunor sa kasal ng kanyang anak na si Ian De Leon sa kabiyak nitong si Jennifer Orcine.

Halos kompleto ang pamilya pero wala si Matet De Leon dahil bagong panganak ito. Maiintindihan mo si Matet pero ang pagkawala ni Ate Guy ay question sa karamihan. Although ang dahilan ni Ate Guy ay maysakit ito at sumakit ang likod.

Nagkaroon tuloy ng opinion na mas naging ina pa si Sandy Andolong kaysa kay Nora na dumating sa importanteng okasyon ni Ian. Itinuring din kasi ni Sandy na sariling anak si Ian.

Nganga ang inabot ni Ian kay Nora. Hindi natupad ang wish ni Ian na makita na magkasama ang kanyang amang si Christopher De Leon at inang Nora.

Hindi napagbigyan ni Ate Guy ang pangarap na ‘yun ng nag-iisang biological son.

Nasilip tuloy na mabuti pa si Edgar Allan Guzman, nasuportahan ng superstar sa Resorts World para sa Your Face Sounds Familiar hitsurang nagmukha siyang fan pero natiis niya na hindi makadalo sa kasal ni Ian.

Pero si Ian hindi nag-isip ng kanegahan sa pagkawala ng ina. Nanatili siyang positibo.

Pak!

TALBOG – Roldan Castro