50-storey pambansang ‘photo bomber’ ipagigiba

 

HANDA ang Maynila na gibain ang Torre de Manila kung ipag-uutos ng korte.

Ayon sa local executives, kung iuutos ng Korte Suprema na ipagiba sakaling mapagdesisyon na labag sa batas ang konstruksiyon ng kontrobersiyal na 50-storey condominium.

Gayonman, hinihintay pa ang magiging hatol ng korte bago sila gumawa ng aksyon sa halos 50-palapag na gusali.

Wala pang nailalatag na ayuda para sa mga apektadong trabahador ng gusali hangga’t wala pang desisyon ang Korte.

Samantala, itinigil na muna ang pagbebenta ng condominium unit sa kontrobersyal na tinaguriang ‘pambansang photobomber.’

Sinuspinde ng Housing and Land Use Regulatory Board (HLURB) ang lisensya ng DMCI Homes dahil sa inilabas na temporary restraining order (TRO).

Ani HLURB chief executive director Antonio Bernardo, inihinto muna ang pagbabayad ng monthly amortization ng mga nakakuha ng unit.

Tatagal ang suspensiyon hanggang may TRO ang Kataas-taasang Hukuman. (HNT)