HATAW! D'yaryo ng Bayan hatawtabloid.com
CAUAYAN CITY, Isabela – Iniimbestigahan ng Santiago City Police Office ang dalawang anggulo sa pamamaril kamakalawa ng gabi ng mga suspek na sakay ng van at motorsiklo sa isang kotse sa Batal, Santiago City.
Namatay sanhi ng maraming tama ng bala sa katawan ang dating nasa #7 sa drug watchlist ng SCPO na si Armando Francisco, 46, residente ng Sitio Kirat, Rizal, Santiago City.
Nasugatan ang dalawang kasama ni Francisco sa kotse na sina Jomar Balanza, 29, residente rin sa Brgy. Rizal, at Rodolfo Magat, 61, self-employed at residente ng Rosario, Santiago City.
Kabilang sa mga anggulong sinisiyasat ng mga awtoridad ang may kaugnayan sa ilegal na droga dahil nasa drug watchlist si Francisco, at kaugnay sa pagkatalo niya sa sabong.
Ang mga biktima ay galing sa sabungan sa Alicia, isabela at pauwi na sa Rizal, Santiago City nang mangyayari ang pamamaril.
