Barangay Chairman Francis Villegas; MPD Sports Festival

HUMATAW na ang 2nd Palaro para sa Batang Maynila (Inter-District Sports Festival 2015) ng Manila Sports Council sa Andres Sports Complex.

Si Barangay Chairman Francis Villegas ng Brgy. 752 Zone 81 ng Manila 5th district ang president o mamumuno sa mga batang maglalaro. May labing-limang players ang bawat team na kasali at ang mga ito ay bibigyan ng libreng basketball uniform.

Ang layunin ng Sports Fest ay upang hubugin ang mga bata sa larong basketball at para sa darating na panahon ay kanila itong pakinabangan.

oOo

Nagkaroon ng one day Sports Festival ang Manila Police District (MPD) kaugnay sa pagdiriwang ng Womens Month. Ang MPD Sports Festival sa pamumuno at suportado ni MPD Director General Rolando Z. Nana.

Ang mga babaeng pulis ang mga naglaro at ito ay galing sa iba’t-ibang MPD police stations at sa MPD headquarters.

Ito ang kaunaunahan na nagkaroon ng ganitong palaro ang Manila Police District sa tagal ng panahon ayon MPD Director Gen. Nana.

oOo

Lalargahan na sa Marso 28, 2015, araw ng sabado ang 2015 Philracom 3YO Local Fillies Sa karerahan ng Metro Turf Club,Inc. na may distansiyang 1,400 meters.

Ang mga nominado na kalahok ay 1.Miss Brulay, 2.Pricess Ella, 3.Real Talk, 4. Songs Of Songs at SuperV.

Sa araw ng linggo ay hahataw naman ang 2015 Philracom 3YO Local Colts sa distansiyang 1,400meters. Ang mga nominadong tatakbo ay ang 1.Cat’s Dream, 2.Diamond’s Best, 3. Dikoridik Koridak, 4. Right As Rain, 5. Spicy Time at Son Of Thunder.

Mapapanood din ng Bayang Karersita sa araw ng Sabado Marso 28,2015 ang MARHO Founders Cup Racing Festival at ang General Assembly and Election of Officers.

SUPORTAHAN PO NATIN BAYANG KARERISTA ANG MGA PAKARERA NG MARHO.

 

 

ni Freddie M. Mañalac