HATAW! D'yaryo ng Bayan hatawtabloid.com
HINDI nagustuhan ni Paulo Avelino ang lumabas na litrato nila ni Jasmin Curtis Smith sa social media na nakitang nag-dinner date.
Nag-post si Paulo na minsan makikitid daw ang utak ng ibang tao dahil naiba nga naman ang kuwento ng dinner na ‘yun.
Nakatsikahan namin ang taong malapit sa Move It host, “hindi naman totoong nag-date, halatang na-crop ang picture kasi grupo sila, group-chat ‘yun, MARA (pelikula) group, sina Isabelle Daza magkakaibigan sila, kasama si direk Borgy Torre, ‘yung assistant director sa movie nila.
“Ako rin kasama sa group chat, pero that time wala ako. Magkakaibigan sila, walang anuman namamagitan. Sabi nga ni Jasmin, ‘dapat kinunan din nila ‘yung maraming-marami kami as in grupo.”
“Nakakatawa kasi ‘yung kumuha ng picture, eh, kina Paulo at Jasmin lang naka-zoom ang kamera at hindi isinama ‘yung ibang mga kasama, eh, ang dami nila.
“Bonding moment lang ‘yun ng magkakaibigan, ano ba?” paliwanag sa amin.
Hindi nga naman kasi maganda ang komento ng netizens na playgirl si Jasmin dahil kakahiwalay lang niya sa boyfriend niyang si Sam Concepcion at heto inagaw naman daw si Paulo kay KC Concepcion.
Nabanggit pa ng taong kausap namin, “walang namamagitan kina Paulo at Jasmin, magkaibigan sila, nakakaloka ang tsika, huh?”
ni REGGEE BONOAN
