Iñigo Pascual, last dance sa 18th birthday ni Julia

ni Pilar Mateo

FAMILY feud…no moe!

This is what the next showbiz debutante Julia Barretto shared nang matanong tungkol sa mga magiging kaganapan sa March 10, 2015 sa ballroom ng Makati Shangri-la when she embarks at that point in a girl’s life when she’s no longer a baby but a lady!

“I am really involved in the planning and preparation. Mula pa April last year. Kasi nga ayoko niyong kung kailan malapit na roon ka pa mai-stress. But now that it’s closer nai-stress pa rin ako. Now into the food tasting na, pictorial and stuff…

“Hindi siya colorful na theme. I opted for white, gray and silver. Call me an old soul. And kung may symbols makikita there, siguro horses. Because it can be very elegant and sophisticated.

“It will be titled ‘Just Julia’. ‘Am always associated with being a Barretto. Sa judgement sa akin na naiba na ang tingin sa akin. So I liked the idea na ‘Just Julia’ lang. It will showcase who I really am.”

Napag-usapan na sa apat na sulok ng showbiz ang pagbibigay niya ng invitation sa kanyang amang si Dennis Padilla.

At ayon kay Julia, wala ng petisyon para pa palitan niya ang apelyido. No need na raw. She will retain it na raw. At wala nga siyang hindi inimbita sa mga relative nila.

Noong una, she would have wanted to spend her birthday sa pag-galugad ng countries in Europe. Pero when the idea of a debut was presented to her eh, nagustuhan na rin daw niya.

“My Dad will be my first dance and Iñigo (Pascual) will be my last. He is a good friend of mine. In my entire life. Na para na kaming partners in crime. Hindi siya nanliligaw. And wala ako sa stage na ma-in love. Sa work lang. Joke!”

At kahit marami pa rin ang mga pasaway na ang daming sinasabi sa pag-uusap nila ng kanyang ama, this is what she has to say, ”I want to believe that the purpose of my debut is to achieve that wish in my heart to have that peace between (sic) everybody. For me to be more responsible and more mature.

“I can’t force things to happen. Parang hindi naman tama na magpilit ng mga tao to attend my debut. Importante wala akong kinalimutan sa kanila. If my tita Gretchen will celebrate her birthday din in London where Dominique is, anak niya ‘yun. Walang problema. Hindi naman ako mababaw para pagtampuhan ‘yun.”

At ang mga iniintriga sa kanyang sina Lisa Soberano at Janella Salvador na mga kaibigan naman pala niya at kasali nga ang dalawa sa kanyang 19 candles. Opo 19! Nag-siguro lang daw siya kung sakaling may biglang magkaroon ng mahalagang lakad.

At para mapanood at masaksihan ang importanteng araw sa buhay ng dalaga, mapapanood ito sa March 29, 2015 sa Sunday’s Best ng ABS-CBN dubbed as Just Julia, Beautiful@18.

Pero suplada ang fans ni Julia. Bago pa man ang mismong debut ng dalaga, nagkaroon na sila ng party para sa kanilang idolo noong March 6.

Samantala, natuwa pala si Julia sa nasabi ng Dad niya na puwede na siyang ligawan basta huwag lang siyang sasaktan or else…