PNP-HSS chief sinibak sa pagtakas ni Bong

SINIBAK ni Interior and Local Government Secretary Mar Roxas ang hepe ng Philippine National Police-Headquarters Support Service (PNP-HSS).

Kaugnay ito ng sinasabing pagtakas ni Senador Bong Revilla sa piitan sa PNP Custodial Center para dumalo sa birthday celebration ni Senador Juan Ponce Enrile sa PNP General Hospital noong Pebrero 4.

Sa press conference, Huwebes ng tanghali, inihayag ni Roxas  ang  pagsibak sa ilang opisyal ng PNP-HSS sa pangunguna ng hepe na si Chief Supt. Alberto Supapo. Papalitan si Supano ni Sr. Supt. Elmer Belteja.

Nabatid, imbes na dalhin sa emergency room dahil sa iniindang sakit, sa specialty ward dinala si Revilla, at hiniling na makapunta sa kinaroroonan ni Enrile.

Hinihintay pa ang resulta ng imbestigasyon ng Criminal Investigation and Detection Group (CIDG) sa insidente at posibleng masampahan ng kasong kriminal at administratibo ang mga isinasangkot sa naturang lapses.