Buwis ipinaalala ni Kim kay Pacman (Sa mega fight vs Floyd)

IPINAALALA ni Bureau of Internal Revenue (BIR) Commissioner Kim Henares kay Manny Pacquiao na iulat sa kanila ang babayarang buwis sa Amerika kaugnay ng nalalapit na megabout kay Floyd Mayweather Jr. sa Mayo 2. 

Sa press conference sa Department of Justice (DOJ), inulit ng BIR chief na dapat magsumite ang Sarangani congressman ng dokumentong authenticated ng Embahada ng Filipinas sa US. 

Hinikayat din ni Henares ang boxing champion na kaltasan ng buwis ang mga taong binabayaran niya sa kanilang serbisyo. Hindi aniya pwedeng ang kongresista pa ang magbayad ng buwis na dapat bayaran ng kanyang mga empleyado. 

Umaasa rin aniya siyang natututo na si Pacman ukol sa tamang pagbabayad ng buwis. 

Taon 2014, iginiit ng kagawaran ang P2.65 bilyong tax liability ng People’s champ.