HATAW! D'yaryo ng Bayan hatawtabloid.com
NAGLULUKSA ang pamilya ni Sarangani Rep. Manny Pacquiao dahil sa pagpanaw ng lola niya sa General Santos City.
Miyerkoles, Pebrero 18, nang pumanaw si Cristina Dapidpiran, ang ina ni Mommy Dionesia Pacquiao, sa edad na 92 dahil sa pulmonya.
Dagsa na ang mga nakikiramay sa pamilya habang hinihintay pa ang pagdating doon ng Filipino boxing icon.
Matatandaan, sumabak pa si Pacquiao sa basketball game nitong Miyerkoles ng gabi at nanalo ang kanilang koponan na KIA.
Bagama’t nagdadalamhati si Mommy D sa pagpanaw ng ina, hindi pa rin niya mabigyang atensyon ang burol dahil napaulat na kailangan pa niyang tapusin ang shoot para sa isang endorsement na una nang nakompromiso.
Nakaburol ang labi ng lola ni Pacquiao sa Saint Peter’s Chapel sa National Highway sa Brgy. Apopong.
Wala pang itinatakdang petsa kung kailan ililibing ang lola ng boksingero.
