HATAW! D'yaryo ng Bayan hatawtabloid.com
ISANG magandang balita ang inihatid kamakailan ng Globe Telecom, ito ay ang pagsasanib-puwersa nila ng Hooq, na binubuo ng Singtel, Sony Pictures Television, at Warner Bros. Entertainment. Sa pamamagitan nito’y magkakaroon na ng pagkakataong makapanood ng unlimited online streaming access at offline viewing ng mga top Hollywood at Filipino movie at television content ang mga Globe subscriber.
Tinatayang maaari nang makapanood ang mga Globe subscriber ng may 10,000 movies at television episodes at TV shows kasama na ang mga pelikulang mula sa Sony at Warner Bros. Puwede na nilang mapanood ang mga pelikulang tulad ng Harry Potter, Spide-Man, o Inception at ma-enjoy din ang mga popular TV series tulad ng Gossip Girl, Friends o Smallville.
Kahit ang mga local channel tulad ng GMA, ABS-CBN, Viva Communications, Regal Entertainment na palabas nila o pelikula ay mapapanood na rin.
“Across the emerging economies, people have amazing stories and love stories. However, a few billion people have no quality way of sseing the best stories from Hollywood or their local market. Hooq will change that. Hooq will change the way people in emerging markets consume and enjoy entertainment,” ani Hooq chief executive officer, Mr. Peter G. Bithos.
At dahil mahalaga raw ang consumer sa Globe Telecom, binibigyan nila ng pagkakataon ang mga consumer para ma download ang HOOQ na available sa lahat ng customers na may plan-based service na magkakahalaga lamang ng P199 per month para makapanood ng libo-libong pelikula. Kung tutuusin mas mura pa raw ito kaysa laging panonood ng pelikula sa mga sinehan. Io-offer din ito sa mga bundled service tulad ng GoSurf at Tattoo broadband services.
Para sa ibang katungan, maaaring magtanong sa Globe o bisitahin ang www.globe.com.ph.
ni Maricris Valdez Nicasio
